* حضرتك غلطان يافندم ..هنا صيدليه مش محل عصير
# اه..مانا عارف انا عايز حقنة الكوكتيل بتاعة البرد ” اللي بتجيب من الاخر”
* طب عشان نجيب احنا من الاخر ..مفيش حاجه ياجماعه اسمها كوكتيل البرد واللي بعض الجهلاء من دخلاء المهنه اخترعوها يقولك (حقنة مضاد حيوي مع حقنة مسكن مع حقنة كورتيزون)…
دا اخطر من كوكتيل مانجا متساب برا التلاجه اسبوع في شهر اغسطس…..
لازم كلنا نعرف ان المضاد الحيوي من الادويه اللي ليها جرعه ومده معينه يحددها الطبيب او الصيدلي(الفاهم و الامين) على حسب حالة المريض وحتى لو اعراض المرض راحت لازم تكمل الجرعه ودا له اسبابه نتكلم عنه المره الجايه….
املين من الله لسيادتكم دوام الصحة والعافيه.